April 15, 2024
【有一種純真叫"童言"】
小朋友的成長過程中, 不僅有"十萬個為什麼", 仲會冷不防冒出一些無厘頭、神邏輯的說話,它們有趣、暖心, 甚至令人哭笑不得! 今日就由小編搜集一些寶貝在日常生活中的童言趣語, 媽媽們可會發出會心微笑呢!!
小朋友喺睡房玩完,一地玩具
媽咪話:成地玩具我點出返去呀?
小朋友: 媽咪, 咁你頭先點入嚟㗎?
仔仔去完洗手間,睇到佢嘅"臭臭"被水走就拍手笑道:
“臭臭滑滑梯喇!”
媽咪解釋俾小朋友知咩係攝石
小朋友: "媽咪,我哋兩個係咪係攝石囉!"
然後攬實媽咪!
小朋友:老師,植物使唔使食飯㗎?
老師:唔使呀,佢哋要吸收啲陽光,吸收啲水分,就會長大喇
小朋友: 哇!唔使食飯都可以長大,咁我要做植物人!
老師: 植物人。。。?天天,呢個我哋唔做得呀!
夏天,天氣炎熱。呢日媽咪幫小朋友沖涼時
小朋友:“媽咪,一陣我幫太陽沖涼吖,咁太陽就唔熱啦。”媽咪笑笑口話:“妮妮,太陽喺天上面咁高,點幫太陽沖涼呢?”小朋友答:“可以。我坐喺月亮上面幫佢沖咪得囉!”